എങ്ങിനെ ഒരു യൂറോപ്യന്‍ ട്രിപ്പ് പ്ലാന്‍ചെയ്യാം....

         
              നിരവധി സുഹൃത്തുക്കൾ ഇന്ന് യൂറോപ്പ് യാത്രകളെ പറ്റി ചിന്തിക്കുന്നുണ്ട്,  അവർക്കെല്ലാം വേണ്ടി യൂറോപ്പ് യാത്രകൾ എങ്ങനെ ചിലവുകുറച്ചു നടത്താം , എന്നതിനെപറ്റിയും, യാത്ര നടത്താൻ വേണ്ട പ്ലാനിങ്ങുകളും ചില ഫോർമാലിറ്റികളെ പറ്റിയുമാകാം ഇന്നത്തെ എഴുത്ത്...  

പ്ലാനിംഗ് അത്യാവശ്യം :

 യാത്രകളിൽ   ശ്രദ്ധിക്കേണ്ട ഏറ്റവും പ്രധാനമായ കാര്യം ആണ് Trip Planning.....
യാത്ര പോകേണ്ടതിന്റെ ഏകദേശം 1 മാസം മുന്പെങ്കിലും ഈ planning നടത്തണം.
ആദ്യം കാണേണ്ട കാഴ്ചകളെ പറ്റി വ്യക്തമായി പഠിക്കണം. എല്ലാ സ്ഥലങ്ങളും എപ്പോൾ പോയാലും കാണാൻ പറ്റണം എന്നില്ല. അതുകൊണ്ട് visiting time, ticket rate, ഇവയെല്ലാം വ്യക്തമായി ചെക്ക്‌ ചെയണം. കൂടാതെ, public transport tickets, പോകേണ്ട വഴികൾ, എന്നിവയെല്ലാം കുറിച്ച് വ്യക്തമായി സ്റ്റഡി ചെയണം.

















എന്റെ യത്രകളിൽ ഞാൻ ചെയ്യന്നത് ഇങ്ങനെത്തന്നെയാണ്, ഹോട്ടലിൽ നിന്നും ആദ്യത്തെ സ്ഥലത്ത് എത്താൻ വേണ്ട സമയം, transportation method to reach, സ്ഥാലം കാണുന്നതിനായി ചെലവഴിക്കേണ്ട സമയം, അവിടെ കാണേണ്ട പ്രധാന കാര്യങ്ങളെപറ്റി ഉള്ള ഒരു പഠനം, അങ്ങനെയൊക്കെ കുറേയേറെ വിവരങ്ങൾ ചേർത്ത് കൃത്യമായ ടൈം പ്ലാന്നിങ്ങോട് കൂടി ഒരു travel itinerary ഉണ്ടാക്കും.


















ചില സ്ഥലങ്ങൾ കാണുന്നതിനും, എത്തിപ്പെടുന്നതിനും, നമ്മൾ പ്ലാൻ ചെയുന്ന സമയം മതിയായി എന്ന് വരില്ല. അതുകൊണ്ട്, മിക്ക ഇടങ്ങളിലും നാൻ 30 മിനിട്ട് മുതൽ 1 മണിക്കൂർ വരെ tolerance ചേർക്കാറുണ്ട്. കൂടാതെ കഴിയുന്നതും, maximum എൻട്രി ടിക്കെടുകളും മറ്റും ഓണ്‍ലൈനിൽ വാങ്ങിക്കും.അങ്ങനെ ക്യു നിൽക്കുന്നതും തപ്പി നടക്കുന്നതും കുറെ ഒഴിവാക്കാം. പോകാൻ പോകുന്ന സ്ഥലത്തെ റോഡുകളും , ഹോട്ടെൽ പോലയൂള്ള ബിൽഡിംഗുകളും google street view വിൽ കണ്ടു മനസ്സിലാക്കുന്നത്‌ കണ്ടുപിടിക്കാൻ വളരെ ഉപകാരപ്പെടും.


ഹോട്ടൽ വേണോ ഹോസ്റ്റൽ വേണോ...?

യൂറോപ്പിലോട്ട് യാത്ര ചെയുംപോൾ ചെലവ് കുറക്കാൻ പറ്റിയ ഏറ്റവും എളുപ്പമുള്ള മാർഗമാണ് ഹോട്ടൽ താമസം.

ആദ്യം എന്താണ് ഹോസ്റ്റൽ എന്ന് പറയാം..
ഒരു റൂമിൽ 4 ഓ 5 ഓ ബെഡ് അറേഞ്ച് ചെയ്തിരിക്കും (ഇതല്ലാതെ 8ഉം 10 ഉം ബെഡ് ഇട്ടുകൊണ്ട്‌ dormetry പോലെയുള്ളതും ഉണ്ട്.), എല്ലാ ബെഡുകൾക്കും പ്രത്യേകം ലോക്കെർ ഷെൽഫും പ്രത്യേകം electric sockets ഉം ഉണ്ടായിരിക്കും. common bathroom, Pantry, entertainment room എന്നിവയും ഉണ്ടായിരിക്കും. ഹോട്ടെലിന്റെ മൂന്നിലൊന്നു ചിലവേ ഹോസ്റ്റലിതാമസ്സിക്കാൻ വേണ്ടു. വേറെ ഒരു പ്രധാന ഗുണം, മറ്റു പല രാജ്യങ്ങളിൽ നിന്നും വരുന്ന solo travelers നെ ഇവിടെ നിന്നും പരിചയപ്പെടാം എന്നതാണ്. കൂടാതെ മിക്ക ഹോസ്റ്റെലുകളിലും Night crawl, Pub crawl പോലയൂള്ള organized group activity കൾ ഉണ്ട്. അതിലെല്ലാം പങ്കെടുത്ത് നമ്മുടെ യാത്രയെ വേറെ ഒരു ലെവലിൽ എത്തിക്കാൻ ഹോസ്റ്റൽ സ്റ്റേ സഹായിക്കും.

















യൂറോപ്പിലെ എല്ലാ സിറ്റികളിലും പല റേഞ്ചിൽ ഉള്ള ധാരാളം ഹോസ്റ്റലുകൾ ഉണ്ട്. ചുരുക്കത്തിൽ പറഞ്ഞാൽ, "വില തുച്ചം, ഗുണം മെച്ചം" അതാണ് ഹോസ്റ്റൽ സ്റ്റേ.
So i will say, Hostel stay is the best option……
താമസിക്കേണ്ട സ്ഥലത്തിന്റെ location വളരെ പ്രധാനമാണ്. metro train, bus പോലുള്ള public transport അടുത്തുള്ളതും. കാണേണ്ട പ്രധാന സ്ഥലങ്ങളുടെ അടുത്തും ആണെങ്കിൽ അത്രയും നല്ലത്.


വിമാനയാത്ര:

ക്രെഡിറ്റ്‌ കാർഡിൽ നിന്നും മറ്റും ലഭിക്കുന്ന പോയിന്റ്‌ ഉപയോഗിക്കുന്നതിലൂടെയും, വളരെ നേരത്തെ ടിക്കറ്റ്‌ ബുക്ക്‌ ചെയ്തും നമുക്ക് കുറച്ചു ചെലവ് കുറക്കാൻ കഴിയും. യൂറോപ്പിനുള്ളിൽ ഒരു രാജ്യത്ത് നിന്നും അടുത്ത രാജ്യത്തേക്ക് യാത്ര ചെയാൻ ചെലവ് വളരെ കുറവാണ്.
ഉദാഹരണം, എനിക്ക് Athens ൽ നിന്നും Rome വരെ യാത്രചെയാൻ ഫ്ലൈറ്റ് ടിക്കെടിനു ചിലവായത് വെറും 130AED ആണ്. Ryanair പോലുള്ള ഫ്ലൈറ്റുകൾ ഇതിനായി ഉപയോഗപെടുത്താം.




















ഇതിന്റെ ഒരു disadvantage എന്താണ് എന്നുവച്ചാൽ, സാധാരണ, സിറ്റിയുടെ പ്രധാന എയർ പോർട്ടിൽ നിന്നുമാകില്ല ഇത്തരം ഫ്ലൈറ്റുകൾ പോകുന്നത്. കുറച്ചു ദൂരെയുള്ള ഏതെങ്കിലും ചെറിയ എയർപോർട്ടിൽ നിന്നും ആയിരിക്കും ഇത്. പക്ഷേ ഇത് ഒരു വലിയ പ്രശ്നമായി എനിക്ക് തോന്നിട്ടില്ല. എല്ലാ ഇത്തരത്തിലുള്ള എയർപോർട്ട്ൽ നിന്നും സിറ്റിയുടെ പ്രധാന ഭാഗത്തേക്ക് shuttle bus service ഉണ്ടായിരിക്കും. ഒരു മണിക്കൂറോ മറ്റും എയർപോർട്ട് ട്രാൻസ്ഫറിനായി അധികം എടുത്താലും, ഫ്ലൈറ്റ് ടിക്കറ്റിന്റെ ചെലവു കുറെ കുറക്കാൻ പറ്റും.

വിസ:

Schengen visa എടുക്കാൻ, ആദ്യം ഏതു രാജ്യതാണോ പോകേണ്ടേ, ആ രാജ്യത്തിന്റെ Embassy ൽ വേണം വിസ അപ്ലൈ ചെയാൻ. ഓണ്‍ലൈനിൽ നിന്നും കിട്ടുന്ന ആ രാജ്യത്തിൻറെ schengen visa ഫോംമിനൊപ്പം
താഴെ പറയുന്ന രേഖകൾ കൂടെ നൽകണം.

1.Flight ticket

2. Hotel booking

3. Month bank statement
4.International travel insurance
5. Working company NOC
6. Latest photo

എന്നിവ ചേർത്ത് പാസ്പോർട്ടിനൊപ്പം submit ചെയണം. പാസ്പോർട്ടിൽ മിനിമം 3 ബ്ലാങ്ക് പേജ് എങ്കിലും വേണം. 200-300AED ആണ് വിസ ഫീ. 15 ദിവസത്തിനുള്ളിൽ വിസ ലഭിക്കും.

മറ്റു പൊടികൈകൾ :

റഷ്യയിൽ ഇംഗ്ലീഷും വച്ചുകൊണ്ട് യാത്ര ചെയ്യാമെന്ന് വിചാരിക്കണ്ട....90% ആളുകളും ഇംഗ്ലീഷ് അറിയില്ല. അതുകൊണ്ട് പോകേണ്ട സ്ഥലങ്ങൾ, വഴികൾ എന്നിവയെപറ്റി വിശദമായി പഠിക്കുക..പോകേണ്ട സ്ഥലങ്ങളും, അഡ്രസ്സുകളും റഷ്യൻ ഭാഷയിൽ പ്രിന്റ്‌ എടുത്തോ സേവ് ചെയ്തോ വയ്ക്കുക.

മൊബൈലിൽ റോമിങ്ങും, international roaming data യും activate ചെയ്യുന്നത് വളരെ ഉപകാരപ്പെടും.

-5 നു മുകളിലുള്ള തണുപ്പിൽ ഇടക്ക് ഇടക്ക് ഗ്ലവ് ഊരി touch screen മൊബൈൽ ഉപയോഗിക്കുക എന്നത് ഒരു മിനക്കെട്ട പരിപാടിയാണ്. അതുകൊണ്ട് touch + keypad ഉള്ള ഫോണ്‍ ഉപയോഗിക്കുന്നതാണ് നല്ലത്.

നല്ല വിന്റെർ ഡ്രസ്സ്‌ കരുതുക...എടുത്തു പറയേണ്ടത് ഷുസും ഗ്ലൗസും ആണ്....നല്ല റബ്ബറ ഗ്രിപ്പ് ഉള്ള ബൂട്ട് ഉപയോഗിക്കുക. (fiber saul ഉള്ള ഷൂ ഒഴിവാക്കുക.)..നല്ല leather glause തന്നെ ഉപയോഗിക്കുക. വെറുതെ അകത്തു പഞ്ഞി വച്ച് കിട്ടുന്ന ഗ്ലൌസ് ഇട്ടിട്ടുഒന്നും ഒരു കാര്യവും ഇല്ല.

ഇത്തരത്തിൽ കുറച്ച് കാര്യങ്ങൾ മാസങ്ങൾക്ക് മുൻപേ പ്ലാൻ ചെയ്ത് നടപ്പാക്കിയാൽ യൂറോപ്യൻ ട്രിപ്പുകൾ ലാഭകരവും ആയാസകരവുമാക്കാം.

വിവരണം: പ്രതീഷ് ജെയ്സൺ

Read More

-22° തണുപ്പില്‍, 9000അടി ഉയരത്തില്‍ നിന്നൊരു പാരാഗ്ലയ്ഡിഡിങ്......

                  ജനുവരി അവസാനത്തെ ആഴ്ചയാണ് ഞാനും എന്റെ ഏതാനും സുഹൃത്തുകളും ചേർന്ന് Georgia യിലേക്ക് ഒരു യാത്ര നടത്തിയത്. ഈ യാത്രയിൽ Georgia യിലെ Gudauri ski resort ഇലേക്ക് ഒരു ഫുൾ ഡേ ട്രിപ്പ്‌ പോകുകയുണ്ടായി. ആ ട്രിപ്പിനിടയിൽ, നങ്ങളുടെ ഗ്രൂപ്പിൽ, എനിക്ക് മാത്രം ചെയാൻ പറ്റിയ Paragliding നെ പറ്റി പറയുവാൻ ആണ് ഈ പോസ്റ്റ്‌.

                   ഞങ്ങളുടെ എല്ലാവരുടെയും activity list-ൽ ഉണ്ടായിരുന്ന ഒരു പ്രധാന കാര്യം ആയിരുന്നു Gudauri യിലെ Paragliding. ഞങ്ങൾ Gudauri Ski Resort-ൽ എത്തിചേർന്ന അന്ന് അവിടുത്തെ താപനില -15 നു അടുത്ത് ആയിരുന്നു. കൂടാതെ അതിശക്തമായ മഞ്ഞു വീഴ്ചയും, കാറ്റും......ഈ മോശം കാലാവസ്ഥ കാരണം. ഞങ്ങളുടെ ഗയിട് Paragliding ബുക്ക്‌ ചെയ്തിരുന്ന സ്ഥലത്തെ instructor, ഇന്നത്തെ ദിവസം paragliding ചെയുക അസാധ്യം ആണെന്ന് പറഞ്ഞു. കൂടാതെ Georgia കാരനായ അയാൾ ഞങ്ങളോട് വന്നു പറഞ്ഞു, " എനിക്ക് ഇവിടെ paragliding 30 വർഷത്തെ experiance ഉണ്ട്. അതുകൊണ്ടാണ് ഞാൻ പറയുന്നത്. കുറച്ചു പൈസക്കായി എന്റെയും നിങ്ങളുടെയും ജീവൻ റിസ്കിൽ ആക്കാൻ എനിക്ക് പറ്റില്ല."......ഈ വാക്കുകൾ കേട്ടതോടെ Paragliding എന്നാ സ്വപ്നം ഉപേക്ഷിച്ചു ഞങ്ങൾ പോകാൻ തയ്യാറായി. എന്നാലും ഒരു അവസാനം ശ്രമം എന്ന നിലയിൽ വേറെ എന്തെങ്കിലും ഓപ്ഷൻ ഉണ്ടോ എന്ന് അന്വേഷിക്കാൻ ഞങ്ങളുടെ ഗൈഡായ Eka Tsagareli യെ ഞാൻ നിർബന്ധിച്ചു.

അങ്ങനെ ആരെയൊക്കെയോ ഫോൺ വിളിച്ചു അവസാനം Sky Atlata എന്നാ paragliding company യിലെ ഒരു instructor ഒന്ന് ട്രൈ ചെയ്യാം എന്ന് പറഞ്ഞു വന്നു. ഉക്രൈൻ കാരനായ 6 അടിക്കു മേലെ ഉയരം ഉള്ള Josi Medriyan എന്ന അയാൾ എന്റെ അടുത്ത് വന്നു പറഞ്ഞു, “കാലാവസ്ഥ മാറികൊണ്ടിരിക്കുകയാണ്, എന്തായായാലും നമുക്ക് മലയുടെ മുകളില പോയി നോക്കാം. കാലാവസ്ഥ അനുകൂലം ആണെങ്കിൽ നമുക്ക് paragliding ചെയാം. അല്ലെങ്ങിൽ തിരിച്ചു വരാം” എന്ന്. ഞാൻ അത് സമ്മതിച്ചു. 30 മിനിറ്റു കേബിൾ കാറിൽ സഞ്ചരിച്ചു വേണം മലയുടെ മുകളിൽ എത്താൻ. ഞങ്ങൾ പോകാൻ തുടങ്ങുപോൾ, നേരത്തെ ഞങ്ങളെ പറഞ്ഞു പേടിപ്പിച്ച അയാൾ Josi- യെയും വിളിച്ചു എന്തൊക്കെയോ പറഞ്ഞു. എന്നാൽ Josi എന്നെയും വിളിച്ചു കേബിൾ കാറിൽ കയറി. actually ഇതു ഒരു കേബിൾ കാർ അല്ല. 4 പേർക്ക് ഇരിക്കുവാൻ പറ്റുന്ന ഓപ്പൺ ആയ ഒന്ന്. കേബിൾ ലിഫ്റ്റ്‌ എന്ന് പറയും. മുകളിലേക്കുള്ള യാത്രക്കിടയിൽ ഞങ്ങൾ വിശദമായി പരിചയപ്പെട്ടു. "വർക്കല, മുംബൈ-പൂനെ ദുബായ്, അങ്ങനെ ലോകത്തിലെ അനേകം സ്ഥലങ്ങളിൽ paragliding ചെയ്തും, sky dive ചെയ്തും വളരെ experience ഉള്ള ആളാണ് Josi. എത്ര രാജ്യങ്ങളിൽ പോയിട്ടുണ്ട് എന്ന ചോദ്യത്തിനു, ചിരിച്ചു കൊണ്ട് " more than 100 " എന്നായിരുന്നു ഉത്തരം…

മുകളിലോട്ടു കയറുംതോറും തണുപ്പും മഞ്ഞുവീഴ്ചയും, കൂടി വരുന്നു. കാലാവസ്ഥ മോശം ആയതിനാൽ, ശരിയായ രീതിയിൽ ഫോട്ടോ വിഡിയോ എടുക്കാൻ പറ്റില്ല എന്ന് Josi ഓർമിപ്പിച്ചു. മലയുടെ പകുതി ദൂരം പോയി ലിഫ്റ്റ്‌ മാറി കയറി. അവസാനം മലയുടെ മുകളിൽ എത്തി. ഹോ...അസഹ്യമായ തണുപ്പ്..ചെറിയ കാറ്റും, ശക്തമായ മഞ്ഞുവിഴിച്ചയും.അതിൽ തന്നെ എന്റെ പകുതി ഗ്യാസ് പോയി....... ജോസി-ടെ കയിലെ GPS navigator ൽ സീ ലെവലിൽ നിന്നും 2700 മീറ്റർ പൊക്കത്തിൽ ആണെന്നും, temperature -22 ൽ ആണ് നില്ക്കുന്നത് എന്ന് മനസ്സിലായി.......3-4 മിനിട്ട് Josi തന്റെ കയിൽ ഉള്ള ഡിജിറ്റൽ മീറ്റർ ഉപയോഗിച്ച്, weather check ചെയുന്നകണ്ടു. ഗ്ലവുസും ജാകേറ്റും ഒക്കെ ഉണ്ടെങ്കിലും ആ തണുപ്പിൽ ഞാൻ ടോട്ടലി ഫ്രീസ് ആയിരുന്നു. ശരിക്കും ഒന്ന് സംസാരിക്കാൻ പോലും പറ്റാത്ത അവസ്ഥ. ഇതിനിടയിൽ,Skiing ഇന്റെ expert track ലേക്ക് പോകാനായി മലയുടെ മുകളിൽ വരുന്നവർ "ഇവനൊക്കെ ഭ്രാന്താണോ" എന്ന് ചോദിക്കും പോലെയുള്ള ഒരു നോട്ടം…... ഇതെല്ലാം എന്റെ നെഞ്ചിടിപ്പ് വർധിപ്പിച്ചു...........

Josi- paraglider തറയിൽ നിവർത്തിയിട്ടു. ടേക്ക് ഓഫ്‌ ചെയ്യേണ്ട രീതി ഒന്നുകൂടെ വിവരിച്ചു. കൂടാതെ കാലാവസ്ഥ വളരെ മോശം ആണെങ്കിലും നമ്മൾ സേഫ് ആയി തഴെ എത്തും എന്നൊക്കെ പറഞ്ഞു എനിക്ക് ധൈര്യം തന്നു....

അങ്ങനെ തയാറെടുപ്പുകൾക്കു ശേഷം കാറ്റിന്റെ സഹായത്തോടെ 10 മീറ്റെർ ഓളം മുന്നോട്ടു ഓടി മലയുടെ പീകിൽ നിന്നും ടേക്ക് ഓഫ്‌ ചെയ്തു. അതി കഠിനമായ തണുപ്പ്. ശക്തമായ മഞ്ഞുവീഴ്ച്ച ...സീറോ വിസിബിലിറ്റി.......GPS ഇന്റെ സഹായത്തോടെയാണ് ഇപ്പോൾ പറക്കുന്നത്.....വീഡിയോ എടുക്കെണ്ടാതിനാൽ ഞാന്‍ മുഖം കവർ ചെയ്തിരുന്നില്ല...അതി കഠിനമായ ആ തണുപ്പിലും കാറ്റിലും, എന്റെ മൂക്കും ചുണ്ടും ഒക്കെ അവിടെ തന്നെ ഉണ്ടോ എന്ന് ഞാൻ ഇടക്ക് ഇടക്ക് തപ്പി നോക്കി....3-4 മിനിട്ട് നോർമൽ ആയി പറന്നു...അതി ശക്തമായ മഞ്ഞു വീഴ്ച ഉള്ളതിനാൽ, Goudari ഉടെ മനോഹരമായ വ്യൂ ഒന്നും ശരിക്കും കാണാൻ പറ്റുനില്ല. ഇടക്ക് ഇടക്ക്, 2500 ഓളം മീറ്റെർ താഴെ ചെറിയ ചെറിയ കെട്ടിടങ്ങൾ കാണുനുണ്ട്.....തണുപ്പ് അസഹ്യമായി വരുന്നു. കാമറ ഉപയോഗിക്കുവാനോ ശരിയായി അനങ്ങാനോ പറ്റുന്നില്ല......ഞങ്ങൾ പതുക്കെ താഴ്ന്നു 2000 മീറ്റെർ പൊക്കത്തിൽ എത്തി. 

അപ്പോൾ ആണ് Josi ഉടെ ചോദ്യം....നോർമൽ ആയി താഴെ ലാൻഡ്‌ ചെയണമോ..? അതോ paragliding ന്റെ ഏറ്റവും റിസ്ക്‌ ഉള്ള മോഡ് ആയ "Acro" മോഡിൽ താഴെ എത്തി ലാൻഡ്‌ ചെയനമോ എന്നു ........( Acro മോഡ് എന്നാൽ, പറക്കലിന്റെ വേഗം കൂട്ടി, വശങ്ങളിലേക്ക് vertical ആയും horizontal ആയും കറങ്ങി താഴോട്ടു പോകുന്നത്.) നോർമൽ ആയി ലാൻഡ്‌ ചെയാൻ 5 മിനിറ്റിൽ അധികം എടുക്കും, എന്നാൽ "acro മോഡിൽ 2 മിനിറ്റിൽ താഴെ സമയം മതി..........മറുപടി പറയാൻ, ഒരു നിമഷം ഞാൻ ആലോചിച്ചു......നോർമൽ ആയി പോയി ലാൻഡ്‌ ചെയുന്നതിൽ ഒരു അർഥവും ഇല്ല. കാരണം, ശക്തമായ മഞ്ഞുവീഴിച്ച കാരണം വ്യൂ ഒന്നും കാണാൻ പറ്റുനില്ല......അതിലും ഉപരി ഇനിയും 5 മിനിട്ട് കൂടെ ആ കൊടും തണുപ്പ് താങ്ങുവാനുള്ള ശക്തി എനിക്ക് ഇല്ല......എത്രയും പെട്ടന്ന് താഴെ എത്തണം...അത് കൊണ്ട്, വരുന്നത് വരട്ടെ എന്നു വിചാരിച്ച് ഞാൻ "ACRO എന്ന് പറഞ്ഞു. ...

Josi തയാറായി. Gopro ഓൺ ചെയ്തു ബോഡിയിൽ ക്ലിപ്പ് ചെയ്തു. ക്യാമറ ഹാൻഡിൽ സപ്പോർട്ട് ചെയാൻ എന്നോട് പറഞ്ഞു....കൊടും തണുപ്പ് കാരണം മരവിച്ചു ഇരുന്ന കൈകൊണ്ടു ആ ക്യാമറ സ്റ്റിക് സപ്പോർട്ട് ചെയാൻ ഞാൻ പാടുപെട്ടു...........Josi സ്റ്റാർട്ട്‌ പറഞ്ഞു......glider ഇന്റെ വേഗതകൂടി.......അതോടെ തണുപ്പിന്റെ കാഠിന്യവും കൂടി......അതാ ആദ്യത്തെ 360 ഡിഗ്രി ട്വിസ്റ്റ്‌......മുന്പ് റഷ്യയിൽ -16 ഡിഗ്രീയിൽ 4000 മീറ്റർ പൊക്കത്തിൽ നിന്നും ചിരിച്ചുകൊണ്ട് സ്കയ് ഡയവ് ചെയ്തപ്പോൾ ഉണ്ടായിരുന്ന ധൈര്യത്തിന്റെ ബലത്തിലും കൂടെ ആണ് Acro മോഡ് ഞാൻ തിരഞ്ഞെടുത്തത്....എന്നാൽ, തലകുത്തനെയുള്ള ആദ്യത്തെ കറക്കത്തിൽ തന്നെ എന്റെ പിടി പോയി........ശരിക്കും ദൈവത്തിനെ വിളിച്ച നിമിഷം....വീണ്ടും വീണ്ടും പല രീതിയിൽ വായുവിൽ കറങ്ങി മറിഞ്ഞു........ആദ്യത്തെ 2-3 കറക്കം കഴിഞ്ഞപ്പോൾ ആണ് നാൻ കുറച്ചെങ്കിലും നോർമൽ ആയതു. എന്നാൽ തണുപ്പ് അസഹ്യം ആയിരുന്നു..........എത്ര തവണ വായുവിൽ കറങ്ങി എന്നോ, ഏതെല്ലാം ദിശകളിൽ കറങ്ങിയെന്നോ ശരിയായി ഓർക്കാൻ കഴിയുന്നില്ല......അങ്ങനെ കറങ്ങി കറങ്ങി, മഞ്ഞിനെ കീറി മുറിച്ചുകൊണ്ട് താഴെ ഐസ് ലേക്ക് ലാൻഡ്‌ ചെയ്തു..........

കൈകളും മുഖവും പൂർണമായി മരവിച്ച അവസ്ഥയില ആയിരുന്നു ഞാൻ അപ്പോൾ. "എങ്ങനെ ഉണ്ടായിരുന്നു" എന്നാ കൂട്ടുകാരുടെ ചോദ്യങ്ങൾക്ക് ശരിക്കും ഒരു മറുപടി പറയാൻ പറ്റാത്ത അവസ്ഥ....Josi ഉടെ താടിയും പുരികവും,ഐസ് കവർ ചെയ്തനിലയിലായിരുന്നു. ലങ്ടിങ്ങിനു ശേഷം അവർ കൊണ്ടുവന്ന ഒരു ഫൊർമിൽ ഡീറ്റെയിൽസ് എഴുതി ഒപ്പ് ഇടണമായിരുന്നു, എന്നാൽ മരവിച്ച കൈകളിൽ പേന പിടിക്കാൻ പറ്റാത്ത അവസ്ഥയായതിനാൽ കൂട്ടുകാർതന്നെ എനിക്ക് വേണ്ടി എല്ലാം എഴുതികൊടുത്തു.......5-10 മിനുട്ട് റസ്റ്റ്‌ ചെയ്തു ഒന്ന് നോർമൽ ആയി, ജീവിതത്തിൽ ഒരിക്കലും എനിക്ക് മറക്കാനാകാത്ത ഒരു അനുഭവത്തിന് സഹായിച്ച Josi യോട് നന്ദിപറഞ്ഞു, ഒന്ന് ചൂടാകാൻ ആയി തൊട്ടടുത്തുള്ള കോഫി ഷോപ്പിലേക്ക് നടന്നു…

* പോസ്റ്റിൽ പറഞ്ഞതുപോലെ, ഇങ്ങനെ ഒരു കാലാവസ്ഥയിൽ ഫോട്ടോ എടുക്കാൻ ഒന്നും പറ്റിയില്ല. രണ്ടര മിനിറ്റ് ഉള്ള ഒരു വീഡിയോ യും, അതിനിടയിൽ എടുത്ത കുറച്ചു സെഫിയും ആണ് ആകെ ഉള്ളത് (ആരും പ്രശ്നം ആക്കലെ !!)....കൂട്ടുകാരൻ താഴെ നിന്നെടുത്ത, ആകാശത്ത് വട്ടം കറങ്ങുന്നതിന്റെയും ലാൻഡ്‌ ചെയുന്നതിന്റെയും ഒരു വീഡിയോയും ഉണ്ട്. പക്ഷെ അത് 1080 HD യിൽ കണ്ടാൽ മാത്രമേ വ്യക്തമായി കാണാൻ സാധിക്കു...അതിന്റെ ലിങ്കുകൾ താഴെ ചേർക്കുന്നു.

കൈയിലെ gopro യിൽ നിന്നും
https://www.youtube.com/watch?v=G_jPNHE1B-Q

താഴെ നിന്ന് കൂട്ടുകാരാൻ Shanid എടുത്തത്‌.

https://www.youtube.com/watch?v=-s78m1Do

വിവരണം : പ്രതീഷ് ജെയ്സണ്‍

Read More